2017-ci ilin 11 ayında Azərbaycanda doğulmuş qız uşaqlarına verilən ən populyar ad Zəhradır. Novator.az-ın məlumatına görə, bu ad ilin əvvəlindən 2423 qıza qoyulub.

Nuray (1876 uşaq) ikinci, Zeynəb (1448) üçüncü populyar addır.

İlk onluğu bu qız adları davam etdirir: Məryəm – 1444 uşaq, Aylin – 1347, Fatimə – 1340, Mələk – 1294, Dəniz – 1258, Damla – 969, Ayan – 968.

Yanvar-noyabr aylarında ən çox qoyulan 10 oğlan adı içində Yusif üstündür – 2570 uşaq.

İkinci yerdə Əli (1879), üçüncü yerdə Hüseyn (1758) gəlir.

Populyar onluqda Ömər (1450), Uğur (1298), Məhəmməd (1281), Murad (1126), Ayxan (986), İbrahim və Tunar (hər iksi 772) adları da yer alır.