Naxçıvan hökuməti qəbirüstü abidələrin vahid formalarını təsdiqləyib.

Avropa.info bildirir ki, bununla bağlı xəbəri hüquqşünas Xəyal Məmmədxanlı yayıb.

Xəyal Məmmədxanlının yaydığı fotoşəkillərdən aydın olur ki, Naxçıvan Muxtar Respublikasının Nazirlər Kabineti noyabrın 8-də qəbirüstü işlərin təsviri ilə bağlı qərar qəbul edib.

Qərara əsasən, qəbirüstü işlər iki materialdan – ya qara qranitdən, ya da travertindən hazırlana bilər.

Hansı materialdan hazırlanmasından asılı olmayaraq, yəni istər qara qranitdən, istərsə də travertindən hazırlandıqda sinə daşının uzunluğu 2 metr 20 santimetr, eni 1 metr 20 santimetr, başdaşının hündürlüyü 60 santimetr, eni 80 santimetr olmalıdır.