ABŞ-ın “Forbes” jurnalı 2017-ci ilin ən nüfuzlu qadınlarının siyahısını açıqlayıb. Novator.az xəbər verir ki, siyahıya Almaniya kansleri Angela Merkel başçılıq edir.

63 yaşlı Angela Merkel 1990-cı ildə siyasətə qoşulub. 2000-ci ildən Xristian Demokrat İttifaqının sədridir. 1991-1994-cü illərdə qadınlar və gənclər naziri, 1994-1998-ci illərdə ətraf mühit və təbiətin mühafizəsi naziri postlarını tutub, 2005-ci ildən Almaniya kansleridir.

Ən nüfuzlu qadınlar siyahısında ikinci pillədə Böyük Britaniyanın baş naziri Tereza Mey, üçüncü yerdə “Microsoft” şirkətinin qurucusu Bill Qeytsin xanımı Melinda Qeyts qərarlaşır.

İlk beşlikdə amerikalı iş adamı, “Facebook” sosial şəbəkəsinin əməliyyat direktoru Şeril Sendberq və ABŞ-ın “General Motors” şirkətinin beynəlxalq satış işi üzrə vitse-prezidenti Meri Barra da yer alır.

Səidə Hüseynova