Mərkəzi Bank oktyabrın 27-də xarici valyutaların bir çoxunu ucuzlaşdırıb. Avro 1,9782 manata, gürcü larisi 0,6635 manata, türk lirəsi 0,4447 manata enib.

Novator.az-ın məlumatına görə, ABŞ dollarının rəsmi məzənnəsi 1,7002 manat, Rusiya rublunun qiyməti 0,0294 manat həddində qalıb.

Yalnız Moldova leyi bahalaşaraq 0,0986 manata qalxıb (Məzənnələr).

2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165, fevralda 1,92, martda 1,7563, apreldə 1,7244, mayda 1,7026, iyunda 1,7023, iyulda 1,7022, avqust və sentyabrda 1,701 manat olub. Oktyabr 1,7002 manatla başlayıb.

Oktyabrın 26-da yayılan rəsmi məlumata görə, Maliyyə Sabitliyi Şurasının son iclasında icmal-hesabat təqdim edilib. Hesabatda qeyd olunur ki, valyuta bazarında vəziyyət stabilləşib, valyuta təklifinin tələbi üstələməsi şəraitində manatın ABŞ dollarına nəzərən məzənnəsi ilin əvvəlindən möhkəmlənib.