Rusiya Federal Dövlət Statistika Xidməti alkoqollu içkilərdən zəhərlənib ölənlərin sayı üzrə hesabat açıqlayıb. Rəsmi hesabat 2017-ci ilin yanvar-avqust aylarını əhatə edir.

Novator.az-ın məlumatına görə, kədərli reytinqin ön pillələrində Kirov, Yaroslavl vilayətləri və Mari El Respublikası dayanır.

Hesabata əsasən, spirtli içkidən zəhərlənmə üzündən ən çox ölüm halı Kirov vilayətində baş verib (hər 100 min adama 16,7 ölüm).

Siyahıda ikinci yerdə Yaroslavl vilayəti (16,3 ölüm), üçüncü yerdə Mari El Respublikası (16,2 ölüm) gəlir.

Alkoqollu içkilərdən zəhərlənərək ölənlərin sayına görə tərtib olunan siyahının ilk beşliyində Arxangelsk (15,7 ölüm) və Kostroma (15,5 ölüm) vilayətləri də yer alır.

Komitənin məlumatına görə, 2017-ci ilin yanvar-avqust aylarında Çeçen Respublikası, Kalmık Respublikası, Həştərxan, Rostov, Maqadan, Saxalin vilayətləri və Xabarovsk diyarında spirtli içkilərdən ölüm halı qeydə alınmayıb.

Hesabata əsasən, Rusiyada alkoqol üzündən ölümün orta göstəricisi hər 100 min nəfərə 4,7 hadisədir. Bu, ötən ilin eyni dövrü ilə müqayisədə azdır (100 min nəfərə 5,9 ölüm).

Səidə Hüseynova