Prezident Krımı satmağa çağırdı
- 10 Oktyabr 2017
- comments
- Səidə Hüseynova
- Posted in ManşetXəbər
Çexiya prezidenti Miloş Zeman oktyabrın 10-da Avropa Şurası Parlament Assambleyasının sessiyasında Krımın işğalı məsələsinə toxunub. Novator.az-ın məlumatına görə, dövlət başçısı Rusiyanın Krımı ilhaq etməsinin qanunsuz olduğunu vurğulayıb, ancaq bununla barışmağa çağırıb: “Krım ilhaq olunub, bu şübhə doğurmur. Ancaq bu məsələ bitmiş məsələdir”.
Miloş Zeman Krım məsələsinin həllini Rusiyanın Ukraynaya təzminat ödəməsində gördüyünü deyib. O qeyd edib ki, Ukraynanın təzminata razılaşmaması, Krımı qaytarmağa cəhd göstərməsi Avropada müharibəyə gətirə bilər: “Biz bu müharibəyə yol verməməliyik”.
Rusiya Ukraynanın Krım yarımadasını 2014-cü ildə işğal edərək özünə birləşdirib. Dünya birliyi bu ilhaqı pisləyib və Rusiyaya sanksiyalar tətbiq edib.