Moskvada orta maaş nə qədərdir?
2017-ci ilin sonuna Rusiya paytaxtı Moskvada orta əməkhaqqı 63 min rubla (1827 manat) çatacaq. Novator.az-ın məlumatına görə, Moskvanın İqtisadi Siyasət və İnkişaf Departamentinin başçısı Vladimir Yefimov oktyabrın 10-da belə açıqlama verib. O, ilin sonuna orta əməkhaqqı məbləğinin 7,8% artacağını vurğulayıb.
Departament rəhbəri 2020-ci ilin sonuna paytaxtda orta nominal əməkhaqqı məbləğinin 76 min rubl olacağını əlavə edib.
Novator.az xatırladır ki, bu ilin 7 ayının (yanvar-iyul) yekununda Azərbaycanın paytaxtı Bakıda orta aylıq nominal əməkhaqqı 777,9 manat olub.
Səidə Hüseynova
