Avstraliya Suriya səddini keçdi
Asiyada dünya futbol çempionatının seçmə mərhələsi başa çatıb. Novator.az-ın məlumatına görə, oktyabrın 10-da Suriyanı qəbul edən Avstraliya rəqibini 2:1 üstələyərək final raundu uğrunda növbəti oyunlara vəsiqə əldə edib (ilk matç 1:1 hesabı ilə bitmişdi).
Dünya çempionatına çıxmaq üçün Avstraliya noyabr ayında Şimali və Mərkəzi Amerika təmsilçisi ilə iki oyun keçirməlidir. Onun rəqibi oktyabrın 11-nə keçən gecə bəlli olacaq.
2018-ci ildə Rusiyada keçiriləcək çempionata Asiyadan birbaşa vəsiqələri Cənubi Koreya, Səudiyyə Ərəbistanı, İran, Yaponiya qazanıb.
