Ədəbiyyat üzrə Nobel mükafatı yapon yazıçıya verildi
2017-ci ilin ədəbiyyat üzrə Nobel mükafatı yapon əsilli Böyük Britaniya yazıçısı Kadzuo İsiquroya verilib.
Novator.az xəbər verir ki, qərarı oktyabrın 5-də İsveç Akademiyası açıqlayıb.
Akademiya bəyan edib ki, Kadzuo İsiquro əsərlərindəki emosional qüdrətə görə Nobel mükafatına layiq bilinib.
Kadzuo İsiquro 1954-cü ildə Yaponiyanın Naqasaki şəhərində doğulub. 5 yaşından Böyük Britaniyada yaşayır. Ali təhsilini Britaniyada alıb. Bakalavr pilləsini Kent Universitetində, magistraturanı Şərqi İngiltərə Universitetində bitirib.
1982-ci ildən Böyük Britaniya vətəndaşıdır.
Kadzuo İsiquro bədii yaradıcılığa 1981-ci ildən başlayıb. “Günün qalığı”, “Məni buraxma”, “Gömülmüş nəhəng” romanlarının müəllifidir.
Ailəlidir, bir qızı var.
Nobel mükafatının məbləği 1 milyon ABŞ dollarıdır.
