Vizasız səfər imkanı verən pasportların siyahısı
Vizasız səfər imkanı verən ən yaxşı pasportların siyahısı açıqlanıb.
Reytinqi Passportindex.org tərtib edib.
Novator.az xəbər verir ki, araşdırmaya əsasən, Almaniya və Sinqapur pasportları ilə 158 ölkəyə vizasız getmək mümkündür.
İsveç və Cənubi Koreya pasportları 157 ölkəyə, Danimarka, Finlandiya, İtaliya, Fransa, İspaniya, Norveç, Yaponiya, Böyük Britaniya və ABŞ pasportları 156 ölkəyə vizasız səfər imkanı verir.
Litva və Latviya pasportları ilə 149, Estoniya pasportu ilə 148 ölkəyə vizasız girmək olar.
Ukrayna pasportuna 120 ölkənin qapısı açıqdır, viza tələb olunmur.
Rusiya pasportu 108 ölkəyə vizasız səfər imkanı yaradır.
Moldova və Gürcüstan pasportlarına 105, Türkiyə pasportuna 104 ölkədə yaşıl işıq var.
Belarus və Qazaxıstan pasportu ilə 71 ölkəyə vizasız getmək hüququ rəsmiləşib.
Azərbaycan pasportu 64 ölkəyə vizasız gediş imkanı yaradır.
Ermənistan pasportu üçün 59, Qırğızıstan pasportu üçün 58, Özbəkistan və Tacikistan pasportları üçün 54, Türkmənistan pasportu üçün 48, İran pasportu üçün 36 ölkənin qapısı açıqdır.
