Lütfi Zadə vəfat edib
Azərbaycanlı alim, qeyri-səlis çoxluqlar nəzəriyyəsinin və qeyri-səlis məntiqin banisi, Kaliforniya Universitetinin professoru Lütfi Zadə sentyabrın 6-da dünyasını dəyişib.
Lütfi Zadə 1921-ci il fevralın 4-də Bakı şəhərində anadan olub. 1944-cü ildə Tehran Universitetini elektrik mühəndisliyi ixtisası üzrə bitirib. ABŞ-ın Massaçusets Texnologiya İnstitutunda və Kolumbiya Universitetində magistr, doktor elmi dərəcələri alıb.
1959-cu ildən Berkli Universitetində professor olub, 1963-cü ildən elektrik mühəndisliyi və kompüter elmləri kafedrasına rəhbərlik edib. Həmin universitetdə Soft Computing İnstitutunun direktoru kimi fəaliyyət göstərirdi.
Lütfi Zadə Azərbaycanda dəfn olunmasını vəsiyyət edib.
Allah rəhmət eləsin!
