ABŞ-da Harvi qasırğasının vurduğu ziyanın 160 milyard dolları haqladığı açıqlanıb. Bu, ölkənin ümumi daxili məhsulunun 1 faizinə bərabərdir.

Avqustun 29-dan bəri qasırğa və leysan Texas ştatında böyük daşqınlar yaradıb. Novator.az-ın məlumatına görə, Texas ştatının ardınca Luizianada qeydə alınan fəlakət azı 38 adamın ölümünə səbəb olub. 20-yə yaxın şəxs itkin düşüb.

Son açıqlamalara əsasən, on minlərlə ev dağılıb, yüz minlərlə avtomobil sıradan çıxıb. 50 mindən çox şəxsin sığınacaqlara yerləşdirildiyi bildirilir.

Subasmaların bu həftənin axırınadək davam edəcəyi gözlənir.