“Global Firepower” beynəlxalq kompaniyası ən güclü ordusu olan ölkələrin siyahısını açıqlayıb. Novator.az-ın məlumatına görə, 133 ölkənin yer aldığı siyahıya ABŞ başçılıq edir.

Ordunun gücü baxımından ikinci yerdə Rusiya, üçüncü yerdə Çin gəlir.

İlk onluqda qalan ölkələr belə sıralanır: Hindistan, Fransa, Böyük Britaniya, Yaponiya, Türkiyə, Almaniya, Misir.

Pakistan siyahıda 13-cü, İsrail 15-ci, İran 21-ci, Şimali Koreya 23-cü, Səudiyyə Ərəbistanı 24-cüdür.

Ukrayna 30-cu yerdə dayanır. Suriya 44-cü, Özbəkistan 48-ci, Belarus 49-cu, Qazaxıstan 55-ci sıradadır.

Azərbaycan ordunun gücünə görə 58-ci yerdə qərar tutub.

59-cu yerdə İraq, 60-cı yerdə Birləşmiş Ərəb Əmirlikləri gəlir.

Gürcüstan ordu reytinqində 82-ci, Türkmənistan 86-cı, Ermənistan 93-cü, Litva 95-ci, Latviya 103-cü, Qırğızıstan 108-ci, Estoniya 110-cu, Tacikistan 112-ci yerdədir.

Sonuncu – 133-cü yerdə Butan dayanır.