Rusiya: gəlmələrə münasibət sorğusunun nəticələri açıqlanıb
Rusiyalıların 58%-i əmək miqrantlarının ölkəyə gəlişinə məhdudiyyət tətbiqinə tərəfdardır. Novator.az-ın məlumatına görə, “Levada” mərkəzinin rəy sorğusu belə göstərib.
Sorğu iyulun 14-dən 17-nə qədər Rusiyanın 48 bölgəsinin 137 yaşayış məntəqəsində, 18 yaşdan yuxarı 1601 adam arasında aparılıb.
Respondentlərin 16%-i başqa ölkələrdən Rusiyaya gələnlərə yaxşı münasibətdə olduğunu açıqlayıb.
Əhalinin 27%-i miqrant axınından narahat olduğunu deyib, 54%-isə bu məsələyə çox da fikir vermədiyini bildirib.
Respondentlərin əksəriyyəti Cənubi Qafqazdan (60%) və ya Orta Asiyadan (62%) olan gəlmələrə heç bir xüsusi münasibətinin olmadığını vurğulayıb.
Cənubi qafqazlılara və ya orta asiyalılara mənfi münasibət bəsləyən respondentlər 27-28%, yaxşı münasibətdə olanlar isə 8-9% təşkil edib.
Səidə Hüseynova
