“Economist İntelligence Unit” jurnalı dünyanın ən yaşamalı şəhərlərinin adlarını açıqlayıb. Novator.az-ın məlumatına görə, 2017-ci ili əhatə edən “Global Liveability Report” hesabatında bildirilir ki, dünyada ən yaşamalı şəhər Avstraliyanın Melburn şəhəridir.
Siyahıda ikinci yerdə Avstriyanın paytaxtı Vyana gəlir. Reytinq cədvəlində sonrakı üç yeri Kanadanın Vankuver, Toronto, Kalqari şəhərləri tutur.
Yaşamaq üçün ən yaxşı şəhərlər cədvəlinin ilk onluğunda sonrakı yerlərdə Avstraliyanın Adelaida və Pert, Yeni Zelandiyanın Oklend şəhərləri, Finlandiyanın paytaxtı Helsinki və Almaniyanın Hamburq şəhəri qərarlaşır.
“Economist İntelligence Unit” jurnalının versiyasına görə, 2017-ci ildə yaşamaq üçün ən əlverişsiz şəhər Suriyanın paytaxtı Dəməşqdir.
Reytinq cədvəli tərtib olunarkən sabitlik, səhiyyə, təhsil, mədəniyyət, ətraf mühit və infrastruktur kimi meyarlar nəzərə alınıb.
Səidə Hüseynova
