Avropa Liqası: üçüncü mərhələnin püşkü atılıb
İyulun 14-də UEFA Avropa Liqasının üçüncü mərhələsinin püşkü atılıb.
Turnirdə Azərbaycanı üç komanda təmsil edir. İkinci raundun ilk oyununda “Zirə” səfərdə Rumıniyanın “Astra” komandasına 1:3 hesabı ilə uduzub. Evdə oynayan “Qəbələ” Polşanın “Yaqelloniya” klubu ilə xalları bölüb (1:1), “İnter” Lüksemburqun “Fola” klubunu udub (1:0).
Novator.az bildirir ki, 14 iyul püşkünün nəticəsinə görə, mərhələ keçəcəyi halda “Qəbələ” Yunanıstanın “Panatinaikos” klubu, “Zirə” Ukraynanın “Aleksandriya” komandası ilə görüşəcək. “İnter”ə isə “Estersund” (İsveç) – “Qalatasaray” (Türkiyə) cütlüyünün qalibi qismət olub. İkinci mərhələnin ilk oyununda isveçlilər 2:0 hesabı ilə qalib gəliblər.
