“Yeni Müsavat” dövriliyini azaldır
“Yeni Müsavat” qəzeti dövriliyini azaldır. Novator.az-ın məlumatına görə, iyulun 10-dan qəzet həftədə 6 dəfə deyil, 5 dəfə çıxacaq. Redaksiyanın qərarına əsasən, “Yeni Müsavat”ın bazar ertəsi sayı ixtisar olunub və qəzet indən belə ikinci, üçüncü, dördüncü, beşinci, altıncı günlər işıq üzü görəcək.
“Yeni Müsavat”ın redaktoru Nazim Sabiroğlu Novator.az-a deyib ki, bazar ertəsi sayının yay mövsümündən sonra bərpa olunması nəzərdə tutulur.
2014-cü ilin iyul ayınadək “Yeni Müsavat” həftədə 7 dəfə çıxıb. O vaxt yayım şəbəkəsində yaranan problemlər üzündən bazar sayı ləğv olunub.
