Bahalıq Rusiyanı yeyir
Rusiya əhalisinin 33%-i iyun ayında ət məhsullarına qənaət etməli olub. Novator.az-ın məlumatına görə, Ümumrusiya İctimai Rəyi Öyrənmə Mərkəzinin sorğusu bunu üzə çıxarıb.
Sorğunun nəticələrinə əsasən, Rusiya vətəndaşlarının 31%-i iyun ayında pendir və kolbasaya, 27%-i isə balıq və dəniz məhsullarına qənaət etmək məcburiyyətində qalıb.
Respondentlərin 40%-i son vaxtlar ət və quş məhsullarının, 38%-i tərəvəzin, 34%-i isə pendir və kolbasanın bahalaşmasından gileylənib.
Sorğuya qatılanların 10%-i sosial durumunun pisliyi ucbatından ərzağa pul çatdıra bilmədiyini bəyan edib.
Səidə Hüseynova
