İyunun 29-da prezident İlham Əliyev Daxili İşlər Nazirliyinin dörd polkovnikinə ali xüsusi rütbə verilməsi barədə sərəncam imzalayıb. Sərəncama əsasən, polis polkovnikləri Arzu Arif oğlu Daşdəmirov, Emil Ramil oğlu Usubov, Oqtay Əsgər oğlu Kərimov, Səfər Hüseyn oğlu Əliyev general-mayor hərbi rütbəsi alıblar.

Novator.az-ın məlumatına görə, general-mayor rütbəsi alanlardan biri – Emil Usubov daxili işlər naziri Ramil Usubovun oğludur. Emil Usubov Daxili İşlər Nazirliyinin Baş İstintaq və Təhqiqat İdarəsinin rəisidir.

69 yaşlı Ramil Usubov daxili işlər naziri postunu 1994-cü ildən tutur. Polis general-polkovnikidir.