Aprel ayında Əmək və Əhalinin Sosial Müdafiəsi Nazirliyinin “İş yerinə dair arayış” elektron xidmətinə 23 min 115 dəfə müraciət edilib. Nazirlik bildirir ki, bu, ötən ilin müvafiq dövrü ilə müqayisədə 68,2 faiz çoxdur. İlin dörd ayında isə xidmətdən 87 min 39 dəfə istifadə edilib, bu da ötən ilin müvafiq dövrünün göstəricisini 52,4 faiz üstələyib.
“İş yerinə dair arayış” e-xidməti istifadəçiyə onlayn rejimdə öz iş yerinə dair arayış əldə etmək imkanı verir və vətəndaşın əmək fəaliyyətində olduğu müəssisənin aidiyyəti şəxslərinə müraciət etməsinə ehtiyac qalmır.
“Elektron hökumət” portalı üzərindən təqdim edilən “İş yerinə dair arayış” e-xidməti 2014-cü ilin dekabr ayından fəaliyyət göstərir, mayın 1-nə qədər bu e-xidmətə 539 min 910 dəfə müraciət olunub.
