Keçmiş baş nazir kürsüsünə qayıtdı
GERB Partiyasının lideri Boyko Borisov Bolqarıstanda baş nazir postuna dönüb. Novator.az-ın məlumatına görə, Boyko Borisovu bu posta mayın 4-də ölkə parlamenti təsdiqləyib. Onun namizədliyini parlamentin 133 deputatı dəstəkləyib, 100 deputat isə təsdiqə qarşı çıxıb.
Deputatlar 18 nazirdən ibarət hökumətin tərkibini də rəsmiləşdiriblər.
Martın 26-sı Bolqarıstanda parlament seçkisi keçirilib. Avropa İttifaqı tərəfdarlarının GERB Partiyası 240 yerlik Xalq Məclisinə hamıdan çox mandat qazanıb, hakim koalisiya yaratmaq imkanı əldə edib.
Ötən noyabrın 13-də Sosialist Partiyasından Rumen Radev Bolqarıstan prezidenti seçilib. Bundan sonra GERB Partiyasının təmsilçisi olan baş nazir Boyko Borisov istefa verib və ölkə növbədənkənar seçkiyə gedib.
