Mayın 4-də Sahibkarlığa Kömək Milli Fondu Astara rayonunda işgüzar forum keçirib. İqtisadiyyat Nazirliyinin yaydığı məlumata görə, forumda Lənkəran iqtisadi rayonunda fəaliyyət göstərən sahibkarlara 177 min manat güzəştli kredit verilib. Kreditlərin əsasən heyvandarlıq, əkinçilik, arıçılıq, çayçılıq sahələrinə yönəldiləcəyi bildirilir.

Forumda qeyd edilib ki, indiyədək Astara rayonundan olan 113 sahibkar 3 milyon manat güzəştli kredit alıb, Lənkəran iqtisadi rayonunda fəaliyyət göstərən sahibkarlıq subyektlərinin 3100-ə yaxın investisiya layihəsinin maliyyələşdirilməsinə isə 118,7 milyon manat güzəştli kredit ayrılıb.