Ümumrusiya İctimai Rəyi Öyrənmə Mərkəzi paytaxt Moskvanın Qızıl Meydandakı mavzoleydə saxlanan Vladimir Leninin dəfn olunması ideyasına münasibəti araşdırıb.

Vladimir Lenin (Ulyanov) Rusiyada bolşevik inqilabının lideri, sovet dövlətinin qurucusudur. 1924-cü ildə vəfat edən Lenin o vaxtdan mavzoleydə saxlanır.

Novator.az-ın məlumatına görə, Ümumrusiya İctimai Rəyi Öyrənmə Mərkəzinin sorğusuna qatılanların 32%-i bildirib ki, Lenini tezliklə dəfn eləmək lazımdır, 31% isə onun ideyalarını daşıyanların qəlbini qırmamaq üçün hələlik gözləməyi məsləhət bilib.

Respondentlərin 31%-i isə Leninin həmişəlik mavzoleydə qalmasını istəyib.

Ümumrusiya İctimai Rəyi Öyrənmə Mərkəzi sorğunu 1200 respondent arasında telefonla aparıb.

Bu günlərdə Rusiya parlamentinin aşağı palatası olan Dövlət Dumasına Leninin meyitinin dəfn olunması haqda qanun layihəsi çıxarılıb. Rusiya Kommunist Partiyasının lideri Gennadi Züqanov qanun layihəsini dövlətçiliyə qarşı təxribat adlandırıb.