Bu ilin yanvarında ötən ilin ilk ayı ilə müqayisədə qida məhsullarının istehsalında 3,5 faiz, tütün məmulatlarının istehsalında 43,9 faiz azalma, içki istehsalında isə 32,4 faiz artım olub.
Dövlət Statistika Komitəsindən AZƏRTAC-a verilən məlumata görə, pendir və kəsmik istehsalı 0,6 faiz, kərə yağı istehsalı 9,1 faiz, qənd istehsalı 47,7 faiz azalıb.
Alkoqolsuz içkilərin istehsalında 72,1 faiz, marqarin istehsalında 18,3 faiz, duru bitki yağlarının istehsalında 16,4 faiz, cem və marmeladların istehsalında 6,5 faiz, mineral suların istehsalında 2,6 dəfə artım olduğu bildirilir.