Rusiyada ən çox harada içirlər?
Rusiyada spirtli içkilərin ən çox və ən az içildiyi regionların siyahısı tərtib olunub. Novator.az xəbər verir ki, siyahıda Rusiyanın 85 federal subyektinin adı var.
Siyahı “Rusiya Federasiyası subyektlərinin milli ayıqlıq reytinqi” adlanır. Bu reytinq cədvəlini “Ayıq Rusiya” federal layihəsinin icraçıları və İctimai Palata yanında Ekspert-Analitik Mərkəzinin əməkdaşları birlikdə tərtib ediblər.
“Rusiya Federasiyası subyektlərinin milli ayıqlıq reytinqi”nə görə, ölkədə ən çox spirtli içki Maqadan vilayətində içilir. “Ən çox içənlər”in ilk beşliyində sonrakı yerlərdə Çukot Muxtar Mahalı, Komi Respublikası, Amur vilayəti, Perm diyarı və Kareliya Respublikası gəlir.
Paytaxt Moskva spirtli içkilərin ən çox içildiyi 85 subyekt arasında 57-ci, Sankt-Peterburq şəhəri isə 55-ci yeri tutur.
Rusiyada spirtli içkinin ən az içildiyi bölgə Çeçen Respublikasıdır. “Ən az içənlər” sırasında sonrakı yerlərdə İnquşetiya, Dağıstan, Qaraçay-Çərkəz və Kabarda-Balkar respublikaları gəlir.
