“Dan” Beynəlmiləlçi Gənclər İctimai Birliyi noyabrın 25-də Gəncədə “Hüquq mədəniyyəti” adlı təlim keçirəcək.

Layihə Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə reallaşdırılır.

“Hüquqi dövlətin inkişafında hüquq mədəniyyətinin rolu mövzusunda tədbirlərin təşkili” layihəsinin əsas məqsədi vətəndaşlara qayda-qanunlara əməl etmək vərdişi aşılamaq, insanların qanunazidd əməllərdən uzaq olmasına təsir etmək, eləcə də hüquqlarını bilən və onlara əməl edən vətəndaşlar yetişdirməkdir.

Beynəlxalq hüquq və insan hüquqları ixtisası üzrə fəlsəfə elmləri üzrə hüquq doktoru, hüquqşünas Xaqani Məmmədovun keçirəcəyi təlimin mövzuları belədir:

• Mədəniyyət, sivilizasiya və dövlət haqqında anlayış;
• Hüquqi dövlətin idarə olunmasında hüquqi və etik mədəniyyətin rolu;
• Liderlik mədəniyyəti.

Təlim beynəlxalq standartlara cavab verən müasir sistemli kulturoloji yanaşma əsasında qurulub.

Təlimdə iştirak etmiş şəxslərə şəhadətnamə veriləcək.