Fikrət Sadıq vəfat edib
Şair, publisist, əməkdar mədəniyyət işçisi, prezidentin fəxri təqaüdçüsü Fikrət Sadıq noyabrın 16-da vəfat edib. Xəbəri AZƏRTAC yayıb.
Fikrət Sadıq 1930-cu il mayın 30-da Şamaxı şəhərində anadan olub. Azərbaycan Dövlət Universitetinin (indiki BDU) filologiya fakültəsini bitirib.
Ədəbi fəaliyyətə tələbəlik illərində universitet nəşriyyatının buraxdığı “Gənclik nəğmələri” almanaxında dərc etdirdiyi şeirlərlə başlayıb. “Cığır”, “Ömrün bir günü”, “Dəniz küçəmizə gəlir”, “Göydə nə var”, “Yerdən göyə ümid”, “Taleyin acığına” əsərlərinin, sənədli filmlərin , tərcümələrin müəllifidir.
Fikrət Sadıq Şamaxıda müəllim, rayon qəzeti redaksiyasında ədəbi işçi, ADU-nun Azərbaycan ədəbiyyatı tarixi kafedrasında baş laborant, Azərbaycan Sovet Ensiklopediyasının baş redaksiyasında elmi redaktor, şöbə müdiri, “Azərbaycanfilm” kinostudiyasında elmi-kütləvi və sənədli filmlər birliyi idarəsində baş redaktor, Azərbaycan Yazıçılar İttifaqında bədii ədəbiyyatın təbliği bürosunun direktoru olub.
Allah rəhmət eləsin!
