Avrasiya İnkişaf Bankının İnteqrasiya Araşdırmaları Mərkəzi hesab edir ki, keçmiş Sovet İttifaqı məkanında ən böyük düşmənçilik Ermənistan-Azərbaycan münasibətlərində hiss olunur.

Novator.az-ın məlumatına görə, İnteqrasiya Araşdırmaları Mərkəzinin yeni hesabatında qeyd olunur ki, 2016-cı ildə Ermənistanda Azərbaycanı dost saymayanların sayı son 5 ilin ən yüksək həddinə – 97%-ə çatıb.

Ermənistanda Türkiyəni dost saymayanların sayı 83%-dir.

İnteqrasiya Araşdırmaları Mərkəzinin yeni araşdırması göstərir ki, bu il Ermənistanda Rusiyanı dost saymayanların sayı 1%-dən 5%-ə artıb.

ABŞ-a münasibəti pis olanların sayı isə 6%-dən 3%-ə enib.

Hesabatda bildirilir ki, Ermənistanda MDB regionuna dostcasına münasibət göstəricisi 2016-cı ildə 13% azalaraq 73%-ə düşüb.