Dünya birjalarında neftin bahalaşması davam edir. Oktyabrın 7-si Nyu-York birjasında “Layt” markalı neftin bir barreli 50,44 dollara, London birjasında “Brent” markalı neftin bir barreli 52,51 dollara yüksəlib.
AZƏRTAC-ın məlumatına görə, “AzəriLayt” markalı neftin bir barreli 0,71 dollar bahalaşaraq 52,69 dollara satılır. Bu, 2016-cı ildə ən yuxarı qiymətdir.
Dövlət büdcəsində xam neftin satış qiyməti bir barrel üçün 25 ABŞ dolları götürülüb. Novator.az bildirir ki, oktyabrın 7-dək Azərbaycan neftinin ən yuxarı qiyməti 52,37 dollar olub. Həmin qiymət iyunun 9-da qeydə alınıb.
