Oktyabrın 4-də Bakıda Rəşid Behbudov küçəsində dünya şöhrətli müğənni Rəşid Behbudovun abidəsinin açılış mərasimi olub.

AZƏRTAC xəbər verir ki, prezident İlham Əliyev və xanımı Mehriban Əliyeva mərasimdə iştirak ediblər.

Rəşid Behbudovun adını daşıyan Dövlət Mahnı Teatrının qarşısında ucaldılan heykəlin müəllifi Azərbaycan Dövlət Rəssamlıq Akademiyasının prorektoru, professor Fuad Salayevdir. Heykəlin hündürlüyü 3, pyedestalla birlikdə isə 4,5 metrdir.