Hərrac: 150 milyon dolların 78 milyon dolları satıldı
Sentyabrın 14-də Dövlət Neft Fondu Mərkəzi Bankda keçirilmiş valyuta hərracına 150 milyon ABŞ dolları məbləğində vəsait çıxarıb. Həmin vəsaitin 78 milyon dolları 22 banka satılıb. Məcmu tələbin 78,11 milyon ABŞ dolları olduğu qeyd edilir.
Novator.az bildirir ki, bununla Dövlət Neft Fondunun 2016-cı ilin hərraclarında satdığı xarici valyutanın həcmi 3 milyard 629,9 milyon dollara çatıb. Mərkəzi Bankdan isə bu il 935,4 milyon dollar alınıb.
2015-ci ildə Azərbaycan manatı ikiqat devalvasiyaya uğrayıb, dolların kursu 78 qəpikdən 1 manat 55 qəpiyə qalxıb. Bu il ABŞ dollarının ən yüksək rəsmi qiyməti martın 11-nə təsadüf edib. Həmin gün 1 dollara 1,6456 manat qiymət qoyulub.
Sentyabrın 14-də Mərkəzi Bank 1 dolları 1,6390 manata təklif edir.
