Türkmənistan parlamentinin iclasında ölkə prezidentinin səlahiyyət müddətinin 5 ildən 7 ilə artırılmasını nəzərdə tutan yeni konstitusiya qəbul edilib.

AZƏRTAC Rusiyanın NTV telekanalına istinadla xəbər verir ki, konstitusiyanın yeni redaksiyasında prezidentin seçilmək üçün nəzərdə tutulan 70 yaş həddi də ləğv edilib.

Türkmənistan Məclisi ölkənin yeni əsas qanununun qəbul olunmasına yekdilliklə səs verib. 2007-ci ildən ölkəyə başçılıq edən 59 yaşlı Qurbanqulu Berdiməhəmmədov konstitusiyaya edilən dəyişikliyi imzalayıb və qanun rəsmən qüvvəyə minib.