Almaniyada anti-inhisar idarəsi “Facebook” şirkətinə qarşı mümkün pozuntularla bağlı araşdırmaya başlayıb.
Novator.az-ın məlumatına görə, anti-inhisar idarəsi hesab edir ki, “Facebook” şirkəti istifadəçi məlumatları haqda müqavilə müddəalarını tərtib edərkən sosial şəbəkə bazarında üstünlük qazanmaq məqsədilə sui-istifadələrə yol verə bilər. İdarə müddəaların şəxsi məlumatların müdafiəsi haqda qanuna zidd olması ilə bağlı şübhələrin olduğunu bildirir.
Anti-inhisar idarəsindən bəyan edilib ki, bu məsələ Almaniya hökumətinin şəxsi məlumatların qorunması üzrə koordinatoru, istehlakçıların hüquqlarının müdafiəsi ilə məşğul olan təşkilatlar və Avropa Komissiyası ilə sıx əlaqə saxlamaqla araşdırılacaq.
