Gənclərin regionlararası intellektual çempionatı başa çatıb
Prezident yanında Gənclər Fondunun maliyyə dəstəyi və “Gələcəyə körpü” Gənclər İctimai Birliyinin təşkilatçılığı ilə keçirilən “Tariximizin izi ilə” adlı gənclərin regionlararası intellektual çempionatına yekun vurulub.
AZƏRTAC xəbər verir ki, üç mərhələdə keçirilən çempionatın sonuncu mərhələsi Gəncədə yekunlaşıb.
Azərbaycanın 10 regionundan olan 50 nəfər gənc çempionatın yekun mərhələsində “Gələcəyə körpü” və “Avropa Gənclər Paytaxtı-2016” Gənclər İctimai birliklərinin fəaliyyətləri ilə yaxından tanış olduqdan sonra “Nə? Harada? Nə zaman?” oyununa start verilib.
Maraqlı və gərgin bilik mübarizəsi şəraitində keçən çempionatda Gəncə komandası birinci, Mingəçevir komandası ikinci, Şəmkir komandası isə üçüncü yerə çıxıblar. Qalib komandalara kubok və qiymətli hədiyyələr təqdim olunub.