Yaxın gələcəkdə ABŞ Silahlı Qüvvələri hərbi texnikanı görünməz edən xüsusi materialla təchiz oluna bilər.

Novator.az xəbər verir ki, Kaliforniya-San Diyeqo Univeristetinin professoru Boubakar Kant həmkarları ilə birlikdə ABŞ hərbi nazirliyi üçün nəzərdə tutulmuş maskalanma materialını təcrübədən keçirir.

Testdən keçirilən material gəminin və ya digər hərbi texnikanın üzünə çəkilən nazik keramikadan ibarətdir. Bu material obyektə nəinki radardan, hətta gözdən də itməyə imkan yaradır. İstifadə olunan üzlük müxtəlif diapazonlarda elektromaqnit dalğalarına təsir edə bilər. Material kifayət qədər nazik qatda çəkilir.

Yeni texnologiyanın bəzi məhdudiyyətləri də var. Üzlük “görünməzliyin” iki növünü eyni vaxtda təmin edə bilmir. Material ya radar, ya da vizual müşahidə üçün tətbiq oluna bilər. Amma tədqiqatçılar bu problemi aradan qaldırmaq niyyətindədirlər. Material 5-10 ildən sonra satışa çıxarıla bilər.