“Companion” şirkətinin ixtiraçı qrupu smartfon sahibləri üçün yeni təhlükəsizlik əlavəsi yaradıb.
Novator.az xəbər verir ki, əlavənin əsas məqsədi insanların smartfona tam güvənə bilməsinə nail olmaqdır.
Məsələn, gecə evə təkbaşına qayıdan qız rəfiqəsinin nömrəsini yığıb yol boyu onunla danışır ki, təhlükəyə düçar olsa, rəfiqəsi bundan xəbər tutub təcili tədbir görə bilsin. İxtira olunan yeni əlavə bu prosesi avtomatlaşdırmaq üçündür.
Əlavədə təhlil aparılır: marşrutun başlanğıc və son nöqtəsi, habelə təcili zəng (məsələn, qohuma). Marşrut boyu “Companion Safety App” samartfon sahibindən vaxtaşırı hər şeyin qaydasında olub-olmadığını soruşur. Əgər adam müvafiq düyməni basa bilməsə, smartfon həyəcan siqnalı çalır. 15 saniyə ərzində “Companion Safety App” təhlükə ilə bağlı qohumları və yaxınları məlumatlandırır. Əlavə həm də smartfon sahibində baş verən dəyişikliyi sərbəst müəyyən edir. Məsələn, müəyyənləşdirir ki, smartfon sahibi qaçmağa başlayıb və ya qulaqcığı qurğudan çıxarılıb.