Mobil qurğuların təhlükəsizliyi üzrə ixtisaslaşmış “LaunchKey” şirkətinin ekspertləri internetdəki parollarla bağlı sorğu keçiriblər.

Novator.az xəbər verir ki, “LaunchKey” ekspertlərinın məlumatına görə, internet istifadəçilərinin 84%-i paroldan imtina etməyə hazırdırlar.

Respondentlərin 76%-i hesab edir ki, onların informasiyası alternativ metodlarla müdafiə olunsa daha yaxşıdır.

Sorğu iştirakçılarının 46%-i bildirib ki, müxtəlif hesablara girmək üçün ümumilikdə 10-dan çox parolu yadda saxlamağa məcbur olurlar. Respondentlərin 68%-i isə internetdə apardıqları müxtəlif əməliyyatlarda eyni paroldan istifadə etdiklərini etiraf ediblər. Respondentlərin 76%-i öz parollarını unutmamaq üçün kağıza yazdığını deyib.

Respondentlər bildiriblər ki, qeydiyyat zamanı onları ən çox çətin parol seçməyə və bunu tez-tez dəyişməyə çağıran sistemlər qıcıqlandırır.

Sorğu iştirakçılarının 27%-i parollarını başqa adamlara verdiyini söyləyib.