Çində şəffaf korpusa malik smartfon nümayiş etdirilib. Hələlik yalnız prototip şəklində olan qurğu tanınmış “Lenovo” şirkəti tərəfindən maliyyələşdirilən, yeni yaranmış “ZUK” şirkətinə məxsusdur.

“ZUK” şirkətinin bu həftə təqdim etdiyi “Z1” adlı ilk smartfonu şəffaf smartfon prototipindən fərqli olaraq, tezliklə satışa çıxarılacaq. Qurğu 5,5 düymlük “Full HD” formatlı ekran, 3GB əməli yaddaş, “Qualcomm Snapdragon 801” prosessoru və ənənəvi “microUSB”ni əvəz edən “USB Type C” portu ilə təchiz edilib.