Türkiyənin Səhiyyə Nazirliyi və Qazi Universitetinin tibb fakültəsi əhalinin internetden asılılığı ilə bağlı araşdırma aparıb.

Novator.az saytı Türkiyə mediasına istinadla xəbər verir ki, araşdırma kişilərin sosial şəbəkədə qadınlardan çox vaxt keçirtdiyini göstərib. 100 min respondent arasında keçirilən sorğu internetdən asılılıq səviyyəsinin şəhərlərdə kəndlərə nisbətən daha yüksək olduğunu ortaya çıxarıb.

Araşdırma aparılan ərazidə əhalinin 88 faizinin kompüterdən istifadə etdiyi bildirilir. Kompüter istifadəçilərinin 8,4 %-də internet asılılığı aşkarlanıb. Asılılıq nisbəti xanımlarda 42%, kişilərdə 58% olub.

Araşdırma müəllifləri deyirlər ki, adamların nə qədər pul qazanmağının internet asılılığına dəxli var. Adamın gəliri artdıqca internetdən asılılığı da artır.

Türkiyə Səhiyyə Nazirliyi 2023-cü ilə qədər internet asılılığı səviyyəsinin daha 25%  artacağını proqnozlaşdırır. Bu da 8 ildən sonra Türkiyədə hər 4 adamdan birinin internetdən asılı olması deməkdir.