Turizm hesabatı
Dövlət Sərhəd Xidmətinin məlumatına görə, 2025-ci ilin ilk yarısında Azərbaycana 178 ölkədən 1 milyon 217,4 min nəfər əcnəbi gəlib, onların 25,8 faizi Rusiya, 17,6 faizi Türkiyə, 9,4 faizi Hindistan, 8,2 faizi İran, 4,2 faizi Gürcüstan, 3,7 faizi Qazaxıstan, 3,2 faizi Səudiyyə Ərəbistanı, 2,9 faizi Pakistan, 2,1 faizi Çin vətəndaşı, qalanları başqa ölkələrin təmsilçisi kimi qeydiyyata düşüb.
Yarım ildə xaricə gedən Azərbaycan vətəndaşlarının sayı 988,2 min nəfər göstərilir: onların 38,1 faizi Türkiyəyə, 16,7 faizi Rusiyaya, 11,1 faizi Gürcüstana, 10 faizi İrana, 24,1 faizi başqa ölkələrə üz tutub.
