Elektromobil: dünya bazarında nə durum var?
2025-ci ilin ilk yarısında dünyada 9,1 milyon elektromobil satılıb. Novator.az-ın məlumatına görə, “Rho Motion” şirkətinin təhlilində qeyd olunur ki, bu, 2024-cü ilin eyni dövrü ilə müqayisədə 28 faiz çoxdur.
Elektriklə işləyən avtomobillərin bazarında Çin öndə göstərilir: yarım ildə 5,5 milyon elektromobil satılıb, bir il öncəyə nəzərən 32 faiz artım qeydə alınıb. Hesabata əsasən, Çində yeni avtomobillərin yarıya qədəri elektriklə çalışır.
Yanvar-iyun aylarında Avropada 2 milyon elektromobilin satıldığı, ötən ilin ilk yarısı ilə müqayisədə 26 faiz artımın rəsmiləşdiyi bildirilir: İspaniyada artım 85 faiz, Almaniyada 40 faiz, Böyük Britaniyada 32 faiz olub.
“Rho Motion” Avropanın hibrid (həm yanacaq, həm də elektriklə işləyən) avtomobillərin satışında 27 faiz irəli getdiyini də vurğulayır.
Altı ayda Şimali Amerikada 900 min (3 faiz artım), dünyanın qalan hissəsində 700 min (40 faiz artım) elektromobil satıldığı qeyd olunur.
Mənbə: Electrek.co
