ABŞ İsrail-İran münaqişəsində – Sorğular
ABŞ İsrail-İran münaqişəsinə müdaxilə etməlidirmi? “Economist/YouGov” şirkəti və “Vaşinqton Post” qəzetinin bu sualla keçirdiyi sorğuların nəticələri açıqlanıb.
Novator.az-ın məlumatına görə, “Economist/YouGov”un 13-16 iyun arası 1512 amerikalı ilə keçirdiyi sorğuya qatılanların 60 faizi ABŞ Silahlı Qüvvələrinin İsrail-İran müharibəsinə müdaxiləsinə qarşı çıxıb. Hərbi müdaxiləyə respondentlərin yalnız 16 faizi tərəfdar olub.
Nəticələrə əsasən, amerikalıların 61 faizi İranın nüvə proqramını ABŞ üçün ciddi təhlükə sayır.
“Vaşinqton Post”un iyunun 18-i 1008 nəfər arasında keçirdiyi sorğuda da rəy oxşar olub: 10 respondentin 7-si İranın nüvə proqramını ABŞ üçün çox ciddi təhlükə saydığını vurğulayıb.
İyunun 13-dən İrana qarşı hərbi hava hücumlarına başlayan İsrail bunu ölkənin nüvə proqramının təhlükəli mərhələyə çatması ilə əsaslandırır. Bəzi iddialara görə, İranda uranın zənginləşdirilməsi səviyyəsi enerji istehsalı üçün lazım olandan xeyli artıqdır və silah istehsalına yaxın hədd sayılır.
Mənbə: Axios.com
