Müstəqillik illərində əhalinin təbii artımı
2025-ci ilin ilk rübünə olan rəsmi statistika Azərbaycan əhalisinin hər 1000 nəfərə təbii artımını 3,2 nəfər göstərib. Dövlət müstəqilliyinin bərpa edildiyi 1991-ci ildə 1000 nəfərə 20,4 nəfər təbii artım düşüb. 1995-ci ildə 1000 nəfərə 12,2 nəfər, 2000-ci ildə 8,8 nəfər, 2005-ci ildə 10,7 nəfər, 2010-cu ildə 12,5 nəfər, 2015-ci ildə 11,7 nəfər, 2020-ci ildə 5,1 nəfər təbii artım qeydə alınıb.
Təbii artım doğum-ölüm nisbətinə əsaslanır.
1991-ci ildə 1000 nəfərə 26,6 doğum, 1995-ci ildə 18,9 doğum, 2000-ci ildə 14,7 doğum, 2005-ci ildə 16,9 doğum, 2010-cu ildə 18,5 doğum, 2015-ci ildə 17,4 doğum, 2020-ci ildə 12,7 doğum rəsmiləşib.
Dövlət Statistika Komitəsinin 2025-ci ilin ilk rübü üzrə hesabatında 1000 nəfərə 8,8 doğum düşdüyü bəyan olunub.
1991 və 2005-ci illərdə 1000 nəfərə 6,2 ölüm, 1995-ci ildə 6,7 ölüm, 2000-ci ildə 5,9 ölüm, 2010-cu ildə 6 ölüm, 2015-ci ildə 5,7 ölüm, 2020-ci ildə 7,6 ölüm, 2025-ci ilin ilk rübündə 5,6 ölüm sənədləşib.
