Gediş-gəliş nə qədər azalıb?
Dövlət Sərhəd Xidməti bildirir ki, yanvar-mart aylarında Azərbaycana 508,1 min nəfər (2024-cü ilin ilk rübü ilə müqayisədə 1,1 faiz az) əcnəbi gəlib, onların 24,7 faizi Rusiya, 18,3 faizi Türkiyə, 10,8 faizi Hindistan, 9,8 faizi İran, 5 faizi Gürcüstan, 3,6 faizi Qazaxıstan, 2,7 faizi Pakistan, qalanları başqa ölkələrin vətəndaşıdır.
Hesabata görə, üç ayda xaricə 468,9 min nəfər (2024-cü ilin yanvar-mart ayları ilə müqayisədə 0,7 faiz az) Azərbaycan vətəndaşı səfər edib, onların 36,5 faizi Türkiyəyə, 15,7 faizi Rusiyaya, 11 faizi Gürcüstana, 10,7 faizi İrana, 26,1 faizi başqa ölkələrə üz tutub.
