Demoqrafik statistika
Dövlət Statistika Komitəsinin hesabatına görə, yanvar-fevral aylarında Azərbaycanda əhalinin təbii artımı – doğum-ölüm nisbəti 2024-cü ilin eyni dövrünə nəzərən 15 faiz geriləyib. İki ayda ölkədə 15971 nəfər doğulub, 10461 nəfər vəfat edib, hər 1000 nəfərə 3,4 nəfər təbii artım düşüb. Dövlət müstəqilliyinin bərpa edildiyi 1991-ci ildə 1000 nəfərə təbii artım göstəricisi 20,4 nəfər olub, 2001-ci ildə 8,1-ə, 2021-ci ildə 3,5-ə enib.
2025-ci ilin ilk iki ayında hər 1000 nəfərə 9,7 doğum, 6,3 ölüm qeydə alınıb.
1991-ci ildə 1000 nəfərə 26,6 doğum, 2001-ci ildə 13,7 doğum, 2011-ci ildə 19,4 doğum, 2021-ci ildə 11,2 doğum rəsmiləşib.
1991-ci il 1000 nəfərə 6,2 ölüm, 2001-ci il 5,6 ölüm, 2011-ci il 5,9 ölüm, 2021-ci il 7,7 ölümlə yekunlaşıb.
2025-ci ilin yanvar-fevral aylarında 1000 nəfərə 4,7 nikah, 2,1 boşanma sənədləşib.
1991-ci ildə 1000 nəfərə 10,4 nikah, 2001-ci ildə 5,2 nikah, 2011-ci ildə 9,7 nikah, 2021-ci ildə 5,6 nikah bağlanıb.
1991-ci ildə 1000 nəfərə 1,5 boşanma, 2001-ci ildə 0,7 boşanma, 2011-ci ildə 1,2 boşanma, 2021-ci ildə 1,7 boşanma olduğu bəyan edilib.
