Rəhman qələbəsi
Tacikistanda parlamentin Nümayəndələr Palatasına martın 2-də keçirilmiş seçkinin ilkin nəticələri açıqlanıb. Rəsmi hesabata görə, prezident İmaməli Rəhmanın Xalq Demokrat Partiyası 47 mandat alır. Aqrar Partiya 7, İqtisadi İslahatlar Partiyası 5, Kommunist Partiyası 2, Sosialist və Demokrat partiyalarının hərəsi 1 mandatla göstərilir.
63 nəfərlik Nümayəndələr Palatasının 41 üzvü majoritar üsulla (dairələrdən), 22 üzvü proporsional üsulla (partiya siyahıları üzrə) seçilir.
1952-ci il təvəllüdlü İmaməli Rəhman 1992-ci ildən parlament sədri kimi dövlət başçısı olub, 1994 və 1999-cu illərdə 5 il müddətinə prezident seçilib.
1999-cu ildə prezidentlik müddəti 7 ilə qaldırılıb, İmaməli Rəhman 2006 və 2013-cü illərin seçkilərində qalib elan olunub.
2016-cı ildə İmaməli Rəhmana qeyri-məhdud sayda prezident seçilmək hüququ verilib və o, 2020-ci ilin seçkisində postunu qoruyub.
