Ziya Ağa yenidən böyük səhnədə
İstedadlı teatr və kino aktyoru, prezident mükafatçısı, “White Roof” şirkətinin rəhbəri Ziya Ağa yeni böyük layihəsini təqdim edəcək. 20 aprel 2025-ci ildə Heydər Əliyev Sarayında irland yazıçı Etel Lilian Voyniçin sevilən “Ovod” əsəri əsasında M.Teatrda səhnələşdirilən tamaşanın premyerası olacaq.
“White Roof” şirkətinin layihəsi olan tamaşanın səhnələşdirəni və quruluşçu rejissoru xalq artisti Vidadi Həsənov, bəstəkarı Əli Cəfərzadə, ikinci rejissoru Oksana Rəsulovadır.
Səhnə əsərində obrazları Ziya Ağa ilə yanaşı Vidadi Həsənov, əməkdar artist İlqar Cahangir, tanınmış aktyorlar Oksana Rəsulova, Tural Rzayev, Şamil İbrahimov, Cavid Baba və M.Teatrın aktyorları ifa edirlər.
