Qafqaz ziyarətçiləri
2024-cü ildə Ermənistanı 2,2 milyon turist ziyarət edib. Turizm Komitəsinin hesabatına görə, ziyarətçilərin ilk beşliyində Rusiya (cəmi turistlərin 43,1 faizi), Gürcüstan (13 faiz), İran (8,4 faiz), ABŞ (2,8 faiz), Hindistan (2 faiz) vətəndaşları yer alıb.
Gürcüstanın Milli Turizm Administrasiyası bildirir ki, 2024-cü ildə ölkə 7,4 milyon nəfərə yaxın ziyarətçi qəbul edib, onların 5,1 milyonu turistdir. İlk beşlikdə Rusiya (1,4 milyon nəfər), Türkiyə (1,3 milyon nəfər), Ermənistan (948,3 min nəfər), İsrail (311 min nəfər), Azərbaycan (219,4 min nəfər) göstərilir.
Azərbaycanın Dövlət Sərhəd Xidmətinin məlumatına əsasən, 2024-cü ildə ölkəyə 2 milyon 626,7 min əcnəbi gəlib, onların 27,8 faizi Rusiya, 16,2 faizi Türkiyə, 9,3 faizi Hindistan, 8 faizi İran, 4,2 faizi Gürcüstan, 3,7 faizi Səudiyyə Ərəbistanı, 3,3 faizi Qazaxıstan, 3,1 faizi Pakistan, qalanları başqa ölkələrin vətəndaşlarıdır.
