İran ordusunda yeni dronlar
Yanvarın 13-ü İran ordusuna 1000 ədəd yeni dron təqdim olunub. Xəbəri “Röyter” (Reuters) agentliyi İranın “Təsnim” agentliyinə istinadla yayıb.
İran agentliyi ölkədə istehsal olunmuş pilotsuz uçuş aparatlarının müxtəlif hərbi hissələrdə tam məxfilik şərtləri əsasında yerləşdirildiyini bildirib. Dronların nadir xüsusiyyətlərə, dağıdıcı gücə, müdafiənin dərinliklərində kəşfiyyat aparmaq imkanında olduğu, 2000 kilometrdən çox məsafə qət edə bildiyi vurğulanıb.
Novator.az bildirir ki, “Röyter” bu yaxınlarda İranın iki aylıq hərbi təlimə başladığını, təlimdə İnqilab Keşikçiləri Korpusunun Nətənzdəki nüvə obyektlərini şərti düşmənin raket və dron zərbələrindən qorumaq üzrə məşqlər keçdiyini də xatırladır.
Mənbə: Reuters.com
