Pasport reytinqi
Vizasız səfər meyarına əsaslanan pasport reytinqi açıqlanıb. “Henley & Partners” beynəlxalq şirkətinin hesabatına görə, Sinqapur pasportu 195, Yaponiya pasportu 193, Finlandiya, Fransa, Almaniya, İtaliya, Cənubi Koreya, İspaniya pasportları 192 ölkədə vizasız işləyir. Siyahını 26 ölkədə vizasız qüvvədə olan Əfqanıstan pasportu qapayır.
Estoniya pasportuna 186, Latviya və Litva pasportlarına 185, Ukrayna pasportuna 148, Gürcüstan və Moldova pasportlarına 122, Rusiya və Türkiyə pasportlarına 116 ölkədə yaşıl işıq var.
Belarus pasportu ilə 81, Qazaxıstan pasportu ilə 77, Azərbaycan pasportu ilə 72, Ermənistan pasportu ilə 68, Qırğızıstan pasportu ilə 64, Özbəkistan pasportu ilə 62, Tacikistan pasportu ilə 58, Türkmənistan pasportu ilə 50, İran pasportu ilə 44 ölkəyə vizasız səfər eləmək olar.
